Сира на казахском (сира қазақш

Өз пайғамбарын ақиқат дінінің жетекшісі және игіліктің хабаршысы, насихатшы, Аллаһ жолына Оның рұқсатымен шақырушы, сондай-ақ оны жарық шырақ етіп жіберген Аллаһқа мадақ. Сонымен қатар Аллаһ оны Ақырет пен Өзіне үміт еткендер мен Аллаһты жиі еске алатындар үшін үлгі етті. Я Аллаһ, оны игілікке бөле және сәлеміңді төк және оның өзін де, оның жанұясын да, оның сахабалары мен солардың соңынан таза жүректерімен ергендерді Ақырет күніне дейін игілікке бөле және оларға көптеген мейірім мен рақымшылық есіктерін аша гөр!
Осыдан соң:
Расында, егер Мухаммад пайғамбардың (оған Аллаһтың игілігі мен сәлемі болсын) өмірі мен үлгісі өз деңгейінде егжей-тегжейлі зерттеліп, зейінге алынатын болса, онда бұл ислам әлемінің және адамзат бақытының бастау бұлағына айналар еді.
Әрине, алдыңғылар мен соңғылардың мырзасының (оған Аллаһтың игілігі мен сәлемі болсын) бүкіл өмірін жарық етуге менің шама шарқымның жетпейтіндігінде күмән жоқ. Мен өзім үшін күшімнен айрылып түнекте қалып қоймас үшін, оның өміртарихынан кішігірім нұр алуды және оның үмметтерінің бірі болуды, осымен қатар оның үмметерінің қатарында жан тапсырып, оның шапағатының арқасында Аллаһтың кешіріміне лайықты болуды өзіме бақыт санау жеткілікті болар еді.
Өзімнің жұмыс әдістемем жайлы бірер сөз қозғауды жөн деп ойлаймын. Осы еңбекті жазар алдында мен оның көлемінің орташа болуын және жалықтырарлықтай шұбалыңқылы болмауын қаладым, бірақ оның шағындығы зиян тиетіндей жағдайға дейін бармауы керек деп шештім. Мен әртүрлі нұсқаларда келтірілген оқиғалардың реттілігі мен кейбір кішігірім құрамдас бөліктерінде тілге тиек етерліктей айырмашылықтар таптым. Мұндай жағдайдарда мен ол оқиғаларды зертеуге ерекше көңіл бөліп, ол мәселені жан-жақты талдауды жөн көрдім де, осыдан соң өз еңбегімде шұбалаңқы түсіндірмелерден бас тартып, ақиқатқа жақын деген нұсқасын бердім, олай болмаған жағдайда кітап көлемінің үлкен болып кетуі анық еді. Ал басқа тұстан, оқырманның күмәнін туғызбас үшін, не болмаса басқа авторлар өз пікірлерінде ақиқаттан алыстап кетекендігі анық болған соң, кейбір мәселелерде оның дәлел-дәйектерін толығымен келтіріп отырдым.
Я Аллаһ, маған екі дүниенің игілігін бер, расында, Сен – Кешірімдісің, Сүйушісің, Мәртебелі күрсінің иесісің!
Сафи ар-Рахман әл-Мубаракфури
Бенарес, Индия
24.07.1396 х.ж. (1976 жылдың 23- шілдесі)